Республикалық «Отбасы-бақыт мекені» атты іс-шара

9-12 қыркүйек   аралығында Республикалық  «Отбасы-бақыт мекені» атты  іс-шара жоспары құрылып, бекітілді. Іс-шара жоспары сынып жетекшілерге таныстырылып, төмендегідей жұмыс түрлері жүргізілді.  «Тәрбиенің мекені отбасы» тақырыбында 1-11 сынып аралығында ашық тәрбие сағаттары өткізілді. Мақсаты: «Отбасы» құндылығының мәнін ашу арқылы, оқушыларға отбасы мүшелеріне құрмет, ата-анаға деген сүйіспеншілік, отбасындағы өзара сыйластық қасиеттерін дамыту. Сынып жетекшілер сынып сағатының тақырыбын ашып, мақсатқа жету үшін ата-аналарды шақырып, түрлі ресурстарды пайдалану арқылы өткізген тәрбие сағаттарын түрлендіре түсті. Сонымен қатар, "Менің отбасым", «Мен отбасымды мақтан, тұтамын» атты 5-8 сыныптар арасында фото конкурс, «Менің бақытты отбасым» тақырыбында 2-4 сынып оқушыларының арасында суреттер фестивалі, 10-11 сынып аралығында «Отбасылық құндылықтар» тақырыбында челлендж ұйымдастырылып өткізілсе,  мектебіміздің кітапханасында «Ұлатағатты отбасы -ұлт құндылығы» тақырыбында кітапханашының ұйымдастыруымен кітаптар көрмесі болды.